أنا مثلك بحر لكن وسط نفسي أنا غرقان !!

ايـمـي عدد الرسائل : 58 تاريخ التسجيل : 08/11/2008

أنا يا بحر ما جيتك فضى ولمشاهدك شفقان

أنا جيتك أبنسى اليأس وبعض همٍ يباريني

على جالك أنا جالس أسامر موجك الغضبان

أسولف له، عن أوجاعي وعناي وغربة سنيني

علامك يا بحر غاضب .؟ علامك تصرخ بكتمان

أنا جيتك أبشكي لك، وأبي منك، تواسيني

أنا مثلك بحر لكن وسط نفسي أنا غرقان

تعبت أبحر مع نفسي وأسألها أنا ويني

أنا محتار في وضعي ومع نفسي أنا حيران

أنا لا قادر أفهمها وهي تجهل مضاميني

أنا مليت من حزني وتعبت أبحث عن السلوان

ولا ضنيت به شيء عن أحزاني يسليني

أحس أن الحزن عالم بحور وصحره، ووديان

وتخيل يا بحر حجمه إذا كله سكن فيني

وتصور لو شقا الدنيا تجّمع في كيان إنسان

وتصدق ما بقى بالكون أسى ما بات في عيني

ترى كل الحزن لو غاب وراح لآخر الأوطان

يغيب ويرتحل لحظات ويرجع يستقر فيني

أنا آخر فصول الحزن وأنا لدربه العنوان

وأنا آخر عزوفاته وأصواته تغنيني

أنا والليل والغربة تعانقنا مثل اخوان

ل ليلي كل آهاتي ول الغربة عناويني

تعبت أسقي ثرى أحلامي وأزرع بالوهم بستان

تعبت ولا نبت زرعي تعبت جفت بساتيني

جحدني حظي العاثر رماني بسكة الحرمان

جحدني ولا قدر مره، على الفرحة يرسيني

ألا يا بحر جاوبني وش آخر هذي الأحزان

وش آخر رحلة أوجاعي وعناي وغربة سنيني

تعبت أبحر مع نفسي وأسألها أنا ويني

أنا محتار في وضعي ومع نفسي أنا حيران

أنا مليت من حزني وتعبت أبحث عن السلوان

ولا ضنيت به شيء عن أحزاني يسليني

أحس أن الحزن عالم بحور وصحره، ووديان

وتخيل يا بحر حجمه إذا كله سكن فيني

ترى كل الحزن لو غاب وراح لآخر الأوطان

يغيب ويرتحل لحظات ويرجع يستقر فيني

تعبت أسقي ثرى أحلامي وأزرع بالوهم بستان

تعبت ولا نبت زرعي تعبت جفت بساتيني

صدقت السطور خيتو نانو

تقبلي مروري البسيط

ما بعد العنا و الشقا

الا الراحه و السعاده ان شاء الله

و عسى الهم ينزاح من على قلبك

سلمت يمناكي بما كتبت من سطور رائعه

تقبلي مروري و ردي البسيط

خاطرة جميله و لها معانيها الجميله و الحزينه

يسلمووووووو خيتووووووووو